La Ribeira Sacra GAL

oñécese como Ribeira Sacra a zona que se extende desde Castro Caldelas ata Ourense seguindo a marxe meridional do Río Sil, formando o linde natural que separa as provincias de Lugo, ao norte, e Ourense, ao sur.

Recibe este nome polos numerosos mosteiros que se asentaron nesta zona entre os séculos X e XII, algúns deles actualmente en ruinas, outros restaurados e ben conservados.

Son lugares cubertos de vexetación a través de paisaxes de bosques caducifolios e gorxas rocosas, en vals e lugares que convidan ao recollimento, á oración e o retiro.

Viista do Río Sil desde a Casa dos Castiñeiros.

Vista do Río Sil desde a Casa dos Castiñeiros.

Desde Ourense fixemos a viaxe pola Ou-536 ata Vilariño Frío, onde unha estrada local en dirección norte nos levou ata Parada do Sil.

(Ver Mapa)

Entre varias opcións, decidimos establecer o noso centro en Casa dos Castiñeiros, en Rabacallos, á beira do Sil e moi preto de Parada do Sil.

Moi preto de Parada do Sil atopamos o Mosteiro de Santa Cristina de Ribas de Sil, de orixe incerto aínda que aparece documentado no século IX como pertencente aos benedictinos. Dounos a impresión de estar abandonado.		Vista lateral de Santa Cristina de Ribas de Sil
Entrada á igrexa	Interior da ábsida

Olaría típica Fai clic no altar para ampliar.

A olería de Niñodaguía conserva unha tradición artesá adaptada a un uso ornamental. Utilizando unha arxila dun ton branco, propia desta zona, os artesáns obteñen unhas pezas que barnizan despois en tons amarelos.

Olaría típica de Niñodaguia

Seguindo a marxe esquerda de Río Sil en dirección oeste atopamos o mosteiro de Santo Estevo de Ribas de Sil.

(Ver Mapa).

O mosteiro estaba en obras, polo que tivemos que conformarnos con contemplalo desde os arredores sen poder acceder ao seu interior.

Ese Mosteiro é de fundación benedictina con orixes que se remontan ao século VI.

Diferentes vistas nos arredores do mosteiro Santo Estevo de Ribas de Sil en restauración.

Contemplando os impresionantes cañóns do Sil, e despois duna viaxe en catamarán, ao remate chegamos á presa que retén as súas augas antes de que o río verta no Miño, que segue a levar a fama.

(Ver Mapa)

Presa do río Sil preto da súa desembocadura no río Miño.